ACA 3,140     CRDB 160     DCB 340     DSE 1,820     EABL 4,340     JHL 10,900     KA 180     KCB 900     MBP 590     MCB 500     MKCB 800     MUCOBA 400     NICO 310     NMB 2,750     NMG 1,640     PAL 470     SWALA 490     SWIS 3,120     TBL 14,300     TCC 17,000     TCCL 860     TICL 450     TOL 670     TPCC 2,060     TTP 120     USL 25     VODA 800     YETU 600     

TAARIFA KWA UMMA

TAARIFA KWA UMMA

UZINDUZI WA HUDUMA YA UWEKEZAJI KUPITIA INTANETI
 

Leo Tarehe 5 Mei 2017 Soko la Hisa la Dar es Salaam(DSE) likishirikiana na  Kampuni ya Kitanzania Maxcom Africa – Maxmalipo,  limezindua mfumo wa mauzo na manunuzi ya hisa kwa njia ya mtandao wa intaneti.

DSE tunayo furaha kubwa sana kuzindua mfumo huu madhubuti ambao unawezesha Watanzania waliopo popote duniani kushiriki katika soko letu la hisa.

Katika uzinduzi huu Maxcom Africa ambao ni wavumbuzi wa mfumo huu wameeleza kwamba,  mtumiaji yeyote anaweza kununua hisa na kulipia kwa njia  ya Mitandao ya simu iliyopo Tanzania (Mpesa,Tigopesa,Airtel Money), kadi za benki (Visa au Master Card) na pia kupitia mawakala wa Maxmalipo popote nchini.

Bw. Deogratius Lazari ambaye ni Mkuu wa kitengo cha Masoko na Ubunifu, Maxcom amefafanua kwamba: “mteja anaweza kununua hisa kwa kuingia kwenye Tovuti ya DSE (www.dse.co.tz) na kuchagua menyu ya “Trade Online”  au kuingia kwenye  www.trade.dse.co.tz  ili kuweza kuingia kwenye mfumo huu mpya”.

Kitendo cha mteja kuingia kitampa nafasi ya kusajili akaunti na kuchagua hisa za kampuni kwa ajili ya manunuzi na kisha kufanya malipo kwa njia zilizo ainishwa.

Katika Uzinduzi huu Bw. Patrick Mususa amefafanua kwamba: “katika mageuzi makubwa ya masoko ya hisa ya Afrika Mashariki, DSE imekua kwa kipindi kifupi sana ukifananisha na masoko mengine ya nchi jirani”. Pia Bw. Mususa amefafanua kwamba: “kwa Kipindi cha Miaka 3 Soko la hisa la Dar es Salaam limefanikiwa kuongeza Washiriki Zaidi ya Laki 2, hii ikiwa imechangiwa na kuraisishwa kwa upatikanaji na ushiriki katika soko la hisa kwa kutumia simu za kiganjani (Mobile Trading  *150*36#). Kwa kipindi chote hiki Soko la hisa limeshirikiana na kampuni za wazawa kurahisisha ufikiwaji wa soko na idadi ya ushiriki katika minada yake”.

DSE inatoa rai kwa watanzania kushiriki katika manunuzi ya hisa kwa njia hii ya mtandao ikijumuisha watanzania walio ndani na nje ya nchi (Diaspora).

Imetolewa na:

 

Menejimenti

Dar es Salaam Stock Exchange PLC